കരുനാഗപ്പള്ളി: വവ്വാക്കാവ് മുസ്‌ലിം ജമാഅത്ത് ജീലാനി അനുസ്മരണ പ്രഭാഷണവും ഇശല്‍ നിലാവും പൊതുസമ്മേളനവും നടന്നു. കടത്തൂര്‍ മസ്ജിദ്  മള്ഹറുല്‍ ഹുദാ മദ്‌റസ അങ്കണത്തില്‍ വെച്ച് നടന്ന പൊതുസമ്മേളനം വവ്വാക്കാവ് മുസ്‌ലിം ജമാഅത്ത് ഇമാം എസ്.സിയാദ് സഅദി ഉദ്ഘാടനം ചെയ്തു. ഹാഷിര്‍ ഐക്കര അധ്യക്ഷത വഹിച്ചു. വാര്‍ഡ് മെമ്പര്‍ അലാവദ്ദീന്‍ കരൂക്കുന്നേല്‍, സിറാജ്കടത്തൂര്‍, മജീദ് കാട്ടൂര്‍, നൗഷാദ് സഖാഫി, ഷെറഫ് ഐക്കര കിഴക്കതില്‍, മനാഫ് ഐക്കര തുടങ്ങിയവര്‍ സംസാരിച്ചു. വൈകിട്ട് 7 മുതല്‍ അല്‍ ഹാഫിള് മുഹമ്മദ് ബിലാലും സംഘവും (തൃശ്ശൂര്‍)അവതരിപ്പിച്ച ഇശല്‍ നിലാവ്  ബുര്‍ദ്ദ മജ്‌ലിസും നടന്നു. സയ്യിദ് പി.എം.എസ്.എ ആറ്റക്കോയ തങ്ങള്‍ മണ്ണാര്‍ക്കാട് സമാപന ദുആ നിര്‍വഹിച്ചു. അന്നദാനവിതരണവും നടന്നു.
ചവറ: ചവറ മുസ്‌ലിം കള്‍ച്ചറല്‍ അസോസിയേഷന്റെ(സി.എം.സി.എ) അഭിമുഖ്യത്തില്‍ ജീലാനി അനുസ്മരണവും പ്രഭാഷണവും നടത്തി. ചവറ ജുമാമസ്ജിദ് ചീഫ് ഇമാം അബ്ദുല്‍ സത്താര്‍ മൗലവി  ഉദ്ഘാടനം ചെയ്തു. പ്രസിഡന്റ് ടി.കെ ഷാന്‍ അധ്യക്ഷത വഹിച്ചു. പുതുശ്ശേരികോട്ട ജുമാമസ്ജിദ് ഇമാം സുബൈര്‍ അഹ്‌സരി പൂക്കൊളത്തൂര്‍  പ്രഭാഷണം നടത്തി. മുഹമ്മദ് കുഞ്ഞ് മുസ്‌ലിയാര്‍, ആസാദ് ആശിര്‍വാദ് , സെക്രട്ടറി സുജയ് മുഹമ്മദ്, ചവറ ലൈജു, ദീന്‍ഷാ മണ്ണേല്‍, ടി തൗഫീഖ്, സുനീര്‍, ബി ആരിഫ്  എന്നിവര്‍ സംസാരിച്ചു. തുടര്‍ന്ന് പ്രര്‍ഥനയും അന്നദാനവും നടന്നു.