കൂറ്റനാട്: സര്‍വശിക്ഷാ അഭിയാനും തൃത്താല ബി.ആര്‍.സിയും സംയുക്തമായി സംഘടിപ്പിക്കുന്ന മലയാളത്തിളക്കം പരിശീലന പരിപാടി തൃത്താലയില്‍ എം.എല്‍.എ വി.ടി. ബല്‍റാം ഉദ്ഘാടനം ചെയ്തു.
ബ്ലോക്ക് പഞ്ചായത്ത് പ്രസിഡന്റ് കെ.പി.എം പുഷ്പജ അധ്യക്ഷയായി. പട്ടിത്തറ ഗ്രാമ പഞ്ചായത്ത് പ്രസിഡന്റ് സുജാത, ക്ഷേമകാര്യ സമിതി ചെയര്‍മാന്‍ ടി.കെ. വിജയന്‍, ഉപജില്ല വിദ്യാഭ്യാസ ഓഫിസര്‍ കെ.വി. വേണുഗോപാലന്‍, ബി.പി.ഒ എം.ജി. നിമല്‍ കുമാര്‍, പ്രധാന അധ്യാപകന്‍ എം.വി. രാജന്‍, പ്രദീപ്, ഗിരീഷ് പരിപാടിയില്‍ പങ്കെടുത്തു.
ഭാഷയില്‍ വായന, ലേഖനം, എന്നീ മേഖലയില്‍ പിന്നോക്കം നില്‍ക്കുന്ന കുട്ടികളെ മുന്നോട്ടെത്തിക്കാനുള്ള സമഗ്ര വിദ്യാഭ്യാസ പദ്ധതി യാണ് എസ്.എസ്.എ സംഘടിപ്പിക്കുന്ന മലയാള തിളക്കം പദ്ധതി.