കയ്പമംഗലം: കൂളിമുട്ടം  നെടുംപറമ്പ് മഹല്ല് ഓഡിറ്റോറിയം  ശിലാസ്ഥാപനം നടത്തി. സമസ്ത കേരള ജംഇയ്യത്തുല്‍ ഉലമ ഉപാധ്യക്ഷന്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍  ഓഡിറ്റോറിയത്തിന്റെ ശിലാസ്ഥാപനം നിര്‍വഹിച്ചു.
മത വിജ്ഞാന സദസ്സിന്റെ ഉദ്ഘാടനവും തങ്ങള്‍ നിര്‍വഹിച്ചു. വി.കെ.ഹിദായത്തുള്ള അധ്യക്ഷനായി. മതിലകം റെയ്ഞ്ച്  സെക്രട്ടറി സി.എച്ച്.എം ഫൈസല്‍ ബദ്‌രി, ഇ.എസ്.മുഹമ്മദാലി, വി.എ.ഹസ്സന്‍, ടി.എം. ഹൈദര്‍ ഹാജി, കെ.കെ അഷ്‌റഫ്, എസ്.കെ.ഹാഷിം തങ്ങള്‍, പി.ബി അബ്ദുല്‍ ജബ്ബാര്‍, എസ് .കെ ആറ്റകോയതങ്ങള്‍, പെരിഞ്ഞനം ഗ്രാമ പഞ്ചായത്ത് പ്രസിഡന്റ് കെ.കെസച്ചിത്ത്, മതിലകം ഗ്രാമ പഞ്ചായത്ത് പ്രസിഡന്റ് ഇ.ജി സുരേന്ദ്രന്‍, ഗ്രാമ പഞ്ചായത്ത് മെമ്പര്‍   കവിതാസജീവന്‍, കെ.എം സുലൈമാന്‍, കെ.കെ. സഗീര്‍  പങ്കെടുത്തു. വൈകീട്ട് നടന്ന പ്രാര്‍ഥനാ സംഗമത്തിന് സമസ്ത കേരള ജംഇയ്യത്തുല്‍ ഉലമ കേന്ദ്ര മുശാവറ അംഗം ചെറുവാളൂര്‍ ഹൈദ്രോസ് മുസ്‌ലിയാര്‍ പ്രാര്‍ഥനാ സംഗമത്തിന് നേതൃത്വം നല്‍കി. മഹല്ല് ഖത്തീബ് അബ്ദുല്ല ബാഖവി ഉദ്‌ബോധന പ്രസംഗം നടത്തി. ഹാരിസ് ബാഖവി പുതിയകാവ്, മുഹമ്മദ് ഷഫീഖ് ഫൈസി, സാദിഖ് ബാഖവി, ടി.കെ സിദ്ദീഖ് ഫൈസി, അഹ്മദ് ഫൈസി പൂക്കോട്ടൂര്‍ സംബന്ധിച്ചു.