കൊടുങ്ങല്ലൂര്‍: താലപ്പൊലി ആഘോഷത്തിന്റെ ഭാഗമായുള്ള കാര്‍ണിവലില്‍ യന്ത്ര വട്ട ഊഞ്ഞാലില്‍ നിന്നും വീണ് യുവാവിനും പെണ്‍കുട്ടിക്കും പരുക്കേറ്റു.
 കാഞ്ഞിരമുറ്റം പടിഞ്ഞാറെ പറമ്പില്‍ സന്ദീപ് (30), ഇയാളുടെ സഹോദരന്റെ മകള്‍ ശ്രീരുദ്ര(5) എന്നിവര്‍ക്കാണ് പരുക്കേറ്റത്.ഇവരുടെ പരുക്ക് ഗുരുതരമല്ല. ഉച്ചതിരിഞ്ഞ് മൂന്ന് മണിയോടെയായിരുന്നു സംഭവം.
ഒന്നാം താലപ്പൊലി നാളില്‍ വഴിപാട് സമര്‍പ്പണത്തിനായി എത്തിയ സംഘത്തിലുള്‍പ്പെട്ട ഇവര്‍ കയറിയ വട്ട ഊഞ്ഞാലിലെ  ഇരിപ്പിടം ഇളകി വീഴുകയായിരുന്നു. ഉടന്‍ തന്നെ താലൂക്ക് ഗവ. ആശുപത്രിയിലും തുടര്‍ന്ന് മോഡേണ്‍ ആശുപത്രിയിലും പ്രവേശിപ്പിച്ചു. അപകടത്തെ തുടര്‍ന്ന് വട്ട ഊഞ്ഞാലിന്റെ പ്രവര്‍ത്തനം പൊലിസ് നിറുത്തിവയ്പ്പിച്ചു.