ചാംപ്യന്‍സ് ലീഗിന്റെ സെമി ഫൈനല്‍ ലക്ഷ്യമിട്ട് ബാഴ്‌സലോണ ഇന്ന് പി.എസ്.ജിക്കെതിരേ സ്വന്തം മൈതാനത്ത് പോരിനിറങ്ങുന്നു. പി.എസ്.ജിയുടെ ഹോം ഗ്രൗണ്ടില്‍ നടന്ന ആദ്യ ക്വാര്‍ട്ടര്‍ ഫൈനല്‍ പോരാട്ടത്തില്‍ 32ന് ബാഴ്‌സലോണക്കൊപ്പമായിരുന്നു ജയം.

ഇന്നത്തെ മത്സരത്തില്‍ പി.എസ്.ജിയെ പ്രതിരോധിച്ച് ജയം കൊയ്യുക എന്ന ലക്ഷ്യത്തോടെയാകും സാവി താരങ്ങളെ കളത്തിലിറക്കുക. ആദ്യപാദത്തില്‍ റഫീഞ്ഞയുടെ ഇരട്ടഗോളിന്റെ കരുത്തിലായിരുന്നു ബാഴ്‌സലോണയുടെ ജയം. ക്രിസ്റ്റ്യന്‍സനായിരുന്നു ബാഴ്‌സയുടെ മൂന്നാം ഗോള്‍ നേടിയത്. ലാലിഗയിലും മികച്ച ഫോമില്‍ കളിക്കുന്ന ബാഴ്‌സലോണ ഇന്ന് കളി മറന്നില്ലെങ്കില്‍ പി.എസ്.ജിയെ പിടിച്ചുകെട്ടി സെമി ഫൈലിലേക്ക് മുന്നേറാന്‍ കഴിയും. രാത്രി 12.30നാണ് മത്സരം.

ഇതേസമയത്ത് നടക്കുന്ന മറ്റൊരു മത്സരത്തില്‍ ബൊറൂസിയ ഡോട്ട്മുണ്ട്അത്‌ലറ്റിക്കോമാഡ്രിഡിനെയും നേരിടും. ഡോട്ട്മുണ്ടിന്റെ ഹോം ഗ്രൗണ്ടിലാണ് ഇന്നത്തെ മത്സരം. അത്‌ലറ്റിക്കോയുടെ ഹോമില്‍ നടന്ന മത്സരത്തില്‍ 21ന് തോറ്റതിന് പകരം ചോദിക്കാനാകും ഡോര്‍ട്മുണ്ട് ഇന്ന് സ്വന്തം മൈതാനത്ത് അരയും തലയും മുറുക്കി പോരാട്ടത്തിനിറങ്ങുന്നത്.