ഐ.എസ്.എല്‍ ഷീല്‍ഡ് മോഹന്‍ ബഗാന്. ഇന്നലെ നടന്ന ലീഗിലെ അവസാന മത്സരത്തില്‍ മുംബൈ സിറ്റിയെ 21ന് പരാജയപ്പെടുത്തിയായിരുന്നു ബഗാന്‍ ലീഗ് ഷില്‍ഡ് സ്വന്തമാക്കിയത്. പട്ടികയില്‍ ഒന്നാം സ്ഥാനത്തുണ്ടായിരുന്ന മുംബൈക്ക് സമനിലയെങ്കിലും മതിയായിരുന്നു ഷില്‍ഡ് നേടാന്‍.

എന്നാല്‍ സ്വന്തം മൈതാനത്ത് നടന്ന പോരാട്ടത്തില്‍ മുംബൈയെ മലര്‍ത്തിയടിച്ചായിരുന്നു ബഗാന്റെ നേട്ടം. ലിസ്റ്റന്‍ കൊളാസോ (28), ജേസണ്‍ കമ്മിങ്‌സ് (80) എന്നിവരായിരുന്നു ബഗാനായി ലക്ഷ്യം കണ്ടത്. 89ാം മിനുട്ടില്‍ ലാലിന്‍സുവാല ചങ്‌തേയുടെ വകയായിരുന്നു മുംബൈയുടെ ആശ്വാസ ഗോള്‍. 22 മത്സരങ്ങളില്‍നിന്ന് 48 പോയിന്റാണ് ബഗാന്‍ നേടിയത്. രണ്ടാം സ്ഥാനത്തുള്ള മുംബൈക്ക് 47 പോയിന്റാണുള്ളത്.