എടപ്പാള്‍: ചങ്ങരംകുളം എസ്.എ മനീഷിന്റെ നേതൃത്വത്തിലുള്ള പൊലിസ് സംഘത്തെ ഡി.വൈ.എഫ്.ഐ, സി.പി.എം പ്രവര്‍ത്തകര്‍ തടഞ്ഞത് സംഘര്‍ഷത്തിനിടയാക്കി.
വട്ടംകുളം സെന്ററില്‍ ഞായറാഴ്ച പുലര്‍ച്ചെ എടപ്പാള്‍ കുളങ്കര ഉത്സവത്തോടനുബന്ധിച്ച് രാഷ്ട്രീയപാര്‍ട്ടികളുടെ ഫ്‌ളക്‌സ് ബോര്‍ഡുകളും കൊടി തോരണങ്ങളും നീക്കം ചെയ്യുന്നതിനിടെയാണ് സംഭവം നടന്നത്.
സി.പി.എമ്മിന്റെ കൊടിതോരണങ്ങള്‍ നീക്കുമ്പോഴാണ് ഡി.വൈ.എഫ്.ഐ, സി.പി.എം പ്രവര്‍ത്തകര്‍ ചങ്ങരംകുളം എസ്.ഐയേയും സംഘത്തേയും തടഞ്ഞത്.
സംഭവത്തെക്കുറിച്ച് കൂടുതല്‍ അന്വേഷിക്കാനോ കേസെടുക്കാനോ പൊലിസ് തയാറാകാത്തത് വിവാദമാകുകയാണ്.