ബെര്‍ലിന്‍: ജര്‍മന്‍ ചാംപ്യന്‍മാരായ ബയേണ്‍ മ്യൂണിക്ക് മധ്യനിര താരം സെബാസ്റ്റ്യന്‍ റൂഡി, പ്രതിരോധ താരം നിക്‌ലസ് സുലേ എന്നിവരെ ടീമിലെത്തിച്ചു. ഹോഫെന്‍ഹെയിമില്‍ നിന്നാണ് ഇരു താരങ്ങളും ബാവേറിയന്‍ ക്ലബിലേക്ക് ചേക്കേറുന്നത്.
അടുത്ത സീസണിലേക്കാണ് ഇരുവരും കാരാറായത്. കരിയറിന്റെ അന്ത്യത്തിലുള്ള മധ്യനിര താരം സാബി അലോണ്‍സോ, പ്രതിരോധ താരവും നായകനുമായ ഫിലിപ്പ് ലാം എന്നിവരുടെ പകരക്കാരായി ഭാവിയില്‍ ഉപയോഗിക്കാമെന്ന കണക്കുകൂട്ടലിലാണ് ജര്‍മന്‍ യുവ താരങ്ങളായ ഇരുവരേയും ബയേണ്‍ ടീമിലെത്തിക്കുന്നത്.