കടമേരി: കടമേരി റഹ്മാനിയ്യ സ്ഥാപന സമുച്ചയങ്ങളുടെ രക്ഷിതാവും സമസ്ത സെക്രട്ടറിയുമായിരുന്ന കോട്ടുമല ടി.എം ബാപ്പു മുസ്‌ലിയാരെ റഹ്മാനിയ്യ അനുസ്മരിച്ചു. റഹ്മാനിയ്യയുമായുള്ള നാല് പതിറ്റാണ്ട് നീണ്ട ബാപ്പു മുസ്‌ലിയാരുടെ ബന്ധത്തിന്റെ ഓര്‍മകളുമായി നിരവധി ശിഷ്യന്‍മാരും നാട്ടുകാരും പ്രസ്ഥാന ബന്ധുക്കളും ചടങ്ങിനെത്തി. അനുസ്മരണ ചടങ്ങില്‍ റഹ്മാനിയ്യ വര്‍ക്കിങ് പ്രസിഡന്റ് എസ്.പി.എം തങ്ങള്‍ അധ്യക്ഷനായി. പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്തു.
മുസ്‌ലിം കേരളത്തിന്റെ ബൗദ്ധിക നേതൃത്വത്തിനുണ്ടായ നഷ്ടമാണ് ബാപ്പു മുസ്‌ലിയാരുടെ വിയോഗമെന്നും ഒരു നിലക്കും പരിഹരിക്കാനാവാത്ത വിടവുണ്ടാക്കിയാണ് അദ്ദേഹം യാത്രയായതെന്നും തങ്ങള്‍ പറഞ്ഞു.
സമസ്ത സെക്രട്ടറി കൊയ്യോട് ഉമര്‍ മുസ്‌ലിയാര്‍ അനുസ്മരണ പ്രഭാഷണം നടത്തി. ദിക്‌റ് ദുആ മജ്‌ലിസിന് ഉമര്‍ മുസ്‌ലിയാര്‍ നേതൃത്വം നല്‍കി. ചീക്കിലോട്ട് കുഞ്ഞബ്ദുല്ല മുസ്‌ലിയാര്‍ സ്വാഗതവും മുഹമ്മദ് റഹ്മാനി തരുവണ നന്ദിയും പറഞ്ഞു. ടി.പി.സി തങ്ങള്‍, പാറക്കല്‍ അബ്ദുള്ള എം.എല്‍.എ , സി.എച്ച് മഹമൂദ് സഅദി, ചിറക്കല്‍ ഹമീദ് ഫൈസി, മാഹിന്‍ മുസ്‌ലിയാര്‍ പുല്ലാര, കോടൂര്‍ മുഹ്‌യുദ്ദീന്‍ കുട്ടി മുസ്‌ലിയാര്‍, മുടിക്കോട് മുഹമ്മദ് മുസ്‌ലിയാര്‍, ബഷീര്‍ ഫൈസി ചീക്കോന്ന്, യൂസുഫ് മുസ്‌ലിയാര്‍, ഇബ്രാഹീം മുറിച്ചാണ്ടി, കെ. എം കുഞ്ഞമ്മദ് മുസ്‌ലിയാര്‍, ഷാജഹാന്‍ റഹ്മാനി കമ്പളക്കാട്, ഫരീദ് റഹ്മാനി കാളികാവ്, എന്‍.വി അഹമദ് ഫൈസി കടുങ്ങല്ലൂര്‍, ഹനീഫ് റഹ്മാനി കൊടുവള്ളി, നൊച്ചാട് കുഞ്ഞബ്ദുല്ല, എന്‍.കെ ജമാല്‍ ഹാജി, പി.എ മമ്മൂട്ടി, കെ.എം ലത്തീഫ് നദ്‌വി, കെ. മൊയ്തു ഫൈസി ,നാസര്‍ നദ്‌വി, സുഹൈല്‍ റഹ്മാനി, യൂസുഫ് റഹ്മാനി സംസാരിച്ചു.