ശ്രീനഗര്‍: ദക്ഷിണ കശ്മിരിലെ അനന്ത്‌നാഗ് ജില്ലയില്‍ ഭീകരവാദികളും സുരക്ഷാ സേനയും തമ്മില്‍ ഏറ്റുമുട്ടലുണ്ടായതായി പൊലിസ്. ജില്ലയിലെ പഹല്‍ഗാം ഏരിയയില്‍ അവോറയില്‍ ഭീകരസാന്നിധ്യമുണ്ടെന്ന വിവരത്തിന്റെ അടിസ്ഥാനത്തില്‍ സൈന്യം നടത്തിയ റെയ്ഡിനെ തുടര്‍ന്നാണ് ഏറ്റുമുട്ടല്‍ നടന്നത്.
റെയ്ഡ് നടക്കുന്നതിനിടെ ഒളിച്ചിരുന്ന ഭീകരവാദികള്‍ സുരക്ഷാ ഉദ്യോഗസ്ഥര്‍ക്കു നേരെ നിറയൊഴിക്കുകയായിരുന്നു. ഉടന്‍ തന്നെ സൈന്യം തിരിച്ചടിക്കുകയും ചെയ്തു. അവസാന വിവരം ലഭിക്കുമ്പോഴും ഏറ്റുമുട്ടല്‍ തുടര്‍ന്നു കൊണ്ടിരിക്കുകയാണ്.