മുംബൈ: ശിവസേനയുടെ യുവജന വിഭാഗമായ യുവസേനാ തലവന്‍ ആദിത്യ താക്കറെയുടെ കാറില്‍ അതിവേഗ കാറിടിച്ച് അപകടം. ആദിത്യ തലനാരിഴക്കു പരുക്കില്ലാതെ രക്ഷപ്പെട്ടു.
കഴിഞ്ഞ ദിവസം ആദിത്യയുടെ മുംബൈയിലെ ബാന്ദ്രയിലെ വസതിക്കു പരിസരത്തു വച്ചായിരുന്നു അപകടം. മുംബൈയിലെ കലാനഗറില്‍ ആദിത്യ താക്കറെ ഓടിച്ച ബി.എം.ഡബ്ല്യൂ കാറില്‍ മാരുതി സുസുക്കി കാര്‍ വന്നിടിക്കുകയായിരുന്നു. മാരുതി ഡ്രൈവര്‍ അപടത്തിന്റെ ഉത്തരവാദിത്തം ഏറ്റെടുത്തു. കലാനഗര്‍ പൊലിസ് സ്റ്റേഷനില്‍ പരാതി രേഖപ്പെടുത്തിയിട്ടുണ്ട്.
ശിവസേനാ തലവന്‍ ഉദ്ദവ് താക്കറെയുടെ മകനാണ് 26കാരനായ ആദിത്യ താക്കറെ.