ഷിംല: ഹിമാചല്‍പ്രദേശില്‍ വന്‍ അഗ്നിബാധയില്‍ 50 വീടുകള്‍ കത്തിനശിച്ചു. രൊഹ്‌രൂ മേഖലയിലെ തങ്ക്‌നുവിലാണ് വന്‍ ദുരന്തമുണ്ടായത്. സംഭവത്തില്‍ 216 പേര്‍ ഭവനരഹിതരാകുകയും നിരവധി പശുക്കള്‍ കത്തിച്ചാകുകയും ചെയ്തു.
ഷിംലയില്‍നിന്ന് 140 കിലോ മീറ്റര്‍ അകലെ കഴിഞ്ഞ ദിവസം പുലര്‍ച്ചെയാണു സംഭവം. ആളപായമില്ലെന്ന് പ്രദേശത്തെ ഷിംല എസ്.പി ഡി.ഡബ്ല്യു നെഗി പറഞ്ഞു. തീപിടിത്തത്തിനു കാരണം ഇതുവരെ വ്യക്തമായിട്ടില്ല. ഷോര്‍ട്ട് സര്‍ക്യൂട്ടാകാം അപകട കാരണമെന്നാണു കരുതുന്നത്.
കോടികളുടെ നാശനഷ്ടമാണു കണക്കാക്കുന്നത്. കൃത്യമായ നാശനഷ്ടക്കണക്ക് ഇനിയും പുറത്തുവന്നിട്ടില്ല. സംഭവത്തില്‍ 10 ആടുകളും നാല് പശുക്കളും ചത്തതായി രൊഹ്‌രൂ സബ് ഡിവിഷനല്‍ മജിസ്‌ട്രേറ്റ് അനുപം ഖേര്‍ പറഞ്ഞു.