തകഴി: എസ്.കെ.എസ്.എസ്.എഫ് കന്നുമ്മ യൂണിറ്റിന്റെ ദശവാര്‍ഷികത്തോടനുബന്ധിച്ചുള്ള ചതുര്‍ദിന മതവിജ്ഞാന സദസിന് സൈനുല്‍ ഉലമ നഗറില്‍(കന്നുമ്മ മദ്‌റസത്തുല്‍ ഫലാഹ്) ഇന്ന് തുടങ്ങും.
വൈകിട്ട് ഏഴിന് നടക്കുന്ന ഉദ്ഘാടന സമ്മേളനത്തില്‍ കെ.എസ് മുഹമ്മദ് ശാഫി മുസ്‌ലിയര്‍ അധ്യക്ഷനാകും. കുഞ്ഞുമുഹമ്മദ് ബാഖവി ഉദ്ഘാടനം ചെയ്യും. തുടര്‍ന്ന് മുഹമ്മദ് സിയാദ് മന്നാനി കരുനാഗപ്പള്ളി സൃഷ്ടാവിലേക്ക് മടങ്ങുക എന്ന വിഷയത്തില്‍ മുഖ്യ പ്രഭാഷണം നിര്‍വഹിക്കും.
നാളെ വൈകിട്ട് ഏഴിന് അബ്ദുല്‍ ജവാദ് മന്നാനി കരുനാഗപ്പള്ളി കടമ മറന്ന മാനവന്‍ എന്ന വിഷയത്തില്‍ മുഖ്യ പ്രഭാഷണം നടത്തും. ശനിയാഴ്ച ഏഴിന് സക്കീര്‍ ഹുസൈന്‍ അസ്ഹരി ആറാട്ടുപുഴ മതാപിതാക്കള്‍ സ്വര്‍ഗത്തിന്റെ കവാടം എന്ന വിഷയത്തില്‍ പ്രഭാഷണം നടത്തും.
ഞായറാഴ്ച നടക്കുന്ന സമാപന സമ്മേളനം എസ്.കെ.എസ്.എസ്.എഫ് സംസ്ഥാന സെക്രട്ടറിയേറ്റ് മെമ്പര്‍ നവാസ് എച്ച് പാനൂര്‍ ഉല്‍ഘാടനം നിര്‍വ്വഹിക്കും. തുടര്‍ന്നു നടക്കുന്ന ചികില്‍സാ ധനസഹായ പദ്ധതി കാപ്പ അഡൈ്വസറി ബോര്‍ഡ് മെമ്പര്‍ അഡ്വ. എ.നിസാമുദ്ദീന്‍ നിര്‍വഹിക്കും. നസ്വീഹത്തിനും മജ്‌ലിസുന്നൂര്‍ ആത്മീയ സംഗമത്തിനും പ്രാര്‍ഥനക്കും സയ്യിദ് അബ്ദുല്ല ദാരിമി അല്‍ ഐദറൂസി കൊല്ലം നേതൃത്വം നല്‍കും.