കണ്ണൂര്‍: 57ാമത് കേരള സ്‌കൂള്‍ കലോത്സവത്തിന് തിരിതെളിഞ്ഞു. മുഖ്യമന്ത്രി പിണറായി വിജയന്‍ പ്രധാനവേദിയായ നിളയിലാണ് കലോത്സവത്തിന്റെ ഔദ്യോഗിക ഉദ്ഘാടനം നിര്‍വഹിച്ചത്.

ഏഷ്യയിലെ ഏറ്റവും വലിയ കലാമാമങ്കമായ കേരള സ്‌കൂള്‍ കലോത്സവം കണ്ണൂരിലെത്തുന്നത് ഇത് നാലാമതാണ്. ചരിത്രമുറങ്ങുന്ന കണ്ണൂരിലേക്കാണ് ഇനിയുള്ള ആറു ദിനങ്ങള്‍ കേരളത്തിന്റെ കണ്ണുകള്‍. കൗമാരം കലയുടെ വേദിയില്‍ ആറാടുന്ന ഈ ആറു നാളുകള്‍ കേരള രാഷ്ട്രീയ ചരിത്രത്തിന്റെ തലവര മാറ്റിയെഴുതിയ സംഭവവികാസങ്ങള്‍ക്ക് രൂപം നല്‍കിയ കണ്ണൂരിന്റെയും നെഞ്ചിടിപ്പിന്റെ താളം മാറ്റും..