തൊടുപുഴ : ഗാന്ധിജി സ്റ്റഡി സെന്ററിന്റെ നേതൃത്വത്തില്‍, നിയോജക മണ്ഡലത്തിലെ സ്‌കൂളുകളില്‍ നിന്നും എസ്. എസ്. എല്‍.സി., പ്ലസ് ടൂ പരീക്ഷകളില്‍ എല്ലാ വിഷയങ്ങള്‍ക്കും എ പ്ലസ് കരസ്ഥമാക്കിയവരെ ആദരിക്കുന്ന പ്രതിഭാസംഗമം ജൂണ്‍ 4-ന് ഉച്ചകഴിഞ്ഞ് 3-ന് ചുങ്കം സെന്റ്‌മേരീസ് പാരീഷ് ഹാളില്‍ നടത്തുമെന്ന് പി.ജെ.ജോസഫ് എം.എല്‍.എ. അറിയിച്ചു. പ്രതിഭാ സംഗമത്തിന്റെ ഉദ്ഘാടനം കൊച്ചി ശാസ്ത്ര സാങ്കേതിക സര്‍വ്വകലാശാല വൈസ് ചാന്‍സലര്‍ ഡോ.ജെ.ലത നിര്‍വ്വഹിക്കും. ഗാന്ധിജി സ്റ്റഡി സെന്റര്‍ ചെയര്‍മാന്‍ പി.ജെ.ജോസഫ് എം.എല്‍.എ. പുരസ്‌ക്കാരങ്ങള്‍ വിതരണം ചെയ്യും. മുനിസിപ്പല്‍ ചെയര്‍പേഴ്‌സണ്‍ സഫിയ ജബ്ബാര്‍ അധ്യക്ഷത വഹിക്കും. അന്നേ ദിവസം ഉച്ചയ്ക്ക് 1.30 - ന് രജിസ്‌ട്രേഷന്‍ ആരംഭിക്കും.