തൊടുപുഴ: സീരിയല്‍ ഷൂട്ടിങ് സംഘം സഞ്ചരിച്ചിരുന്ന വാഹനത്തില്‍ ടിപ്പര്‍ ലോറിയിടിച്ച് അഞ്ച് പേര്‍ക്ക് പരിക്ക്. സീരിയല്‍ ഷുട്ടിംഗ് സംഘം സഞ്ചരിച്ച് ക്വാളിസ് വാഹനമാണ് അപകടത്തില്‍പ്പെട്ടത്.
ഇന്നലെ രാവിലെ 7.30നു മാറിക-രാമപുരം റോഡില്‍ നീറന്താനം കുരിശുപള്ളിക്ക് സമീപമാണ് അപകടമുണ്ടായത്. ടിപ്പര്‍ ലോറി ക്വാളിസില്‍ ഇടിക്കുകയായിരുന്നു. ക്വാളിസ് വാഹനത്തിന്റെ ഡ്രൈവര്‍ കൂത്താട്ടുകുളം സ്വദേശി സനീഷ് (28),സരുണ്‍, ശ്യാംലാല്‍, സുനിഷ്, രാജേഷ് എന്നിവര്‍ക്കാണ് പരിക്കേറ്റത്. പരിക്കേറ്റവരെ തൊടുപുഴയിലെ സ്വകാര്യ ആശുപത്രികളില്‍ പ്രവേശിപ്പിച്ചു.
സംഭവത്തില്‍ രാമപൂരം പൊലിസ് കേസെടുത്തു. ഫ്‌ളവേഴ്‌സ് ചാനലില്‍ പ്രദര്‍ശിപ്പിക്കുന്ന സീരിയലിന്റെ ഷൂട്ടിങൃിനായാണ് ഇവര്‍ എത്തിയതെന്ന് രാമപൂരം പൊലിസ് പറഞ്ഞു.