മലപ്പുറം: കെ.പി.സി.സി. അധ്യക്ഷന്‍ വി.എം. സുധീരന്‍ പാണക്കാട്ടെത്തി മുസ് ലിം ലീഗ് സംസ്ഥാന പ്രസിഡന്റ് സയ്യിദ് ഹൈദരലി ശിഹാബ് തങ്ങളുമായി കൂടിക്കാഴ്ച നടത്തി.
പ്രതിപക്ഷ ഉപനേതാവ് പി.കെ. കുഞ്ഞാലിക്കുട്ടി, മലപ്പുറം ഡി.സി.സി. പ്രസിഡന്റ് വി.വി പ്രകാശ് എന്നിവരും ചര്‍ച്ചയില്‍ പങ്കെടുത്തു.
സംസ്ഥാനത്തെ കോണ്‍ഗ്രസിലെ പ്രശ്‌നങ്ങള്‍ പറഞ്ഞു തീര്‍ക്കാവുന്നതേ ഉള്ളൂ എന്ന് സുധീരന്‍ മാധ്യമ പ്രവര്‍ത്തകരോട് പറഞ്ഞു. കോണ്‍ഗ്രസിലെ പ്രശ്‌നങ്ങളില്‍ ലീഗിന് ആശങ്കയുണ്ടെന്ന അഭിപ്രായം തെറ്റാണ്. കൂടുതല്‍ ഊര്‍ജ്വസ്വലമായി യു.ഡി.എഫ് മുന്നോട്ട് പോകും. ആറിന് നടക്കുന്ന കണ്‍വെന്‍ഷനില്‍ ഹൈദരലി ശിഹാബ് തങ്ങള്‍ പങ്കെടുക്കുമെന്നും സുധീരന്‍ പറഞ്ഞു. അന്തരിച്ച കോട്ടുമല ടി.എം.ബാപ്പു മുസ്‌ല്യാരുടെ വസതിയും സുധീരന്‍ സന്ദര്‍ശിച്ചു.