മൈദുഗുരി: നൈജീരിയയില്‍ യൂനിവേഴ്‌സിറ്റി കാംപസിലുണ്ടായ ചാവേര്‍ ബോംബ് സ്‌ഫോടനത്തില്‍ നാലു പേര്‍ കൊല്ലപ്പെട്ടു. 15 പേര്‍ക്കു പരുക്കേറ്റു. മൈദുഗുരി യൂണിവേഴ്‌സിറ്റിയിലെ സ്റ്റാഫ് ക്വാര്‍ട്ടേഴ്‌സിനു സമീപത്താണ് ചാവേര്‍ പൊട്ടിത്തെറിച്ചത്. കൗമാരക്കാരിയായ പെണ്‍കുട്ടിയാണ് ചാവേറായി പൊട്ടിത്തെറിച്ചതെന്ന് യൂനിവേഴ്‌സിറ്റി അധ്യാപകന്‍ പറഞ്ഞു. അതേസമയം, സ്‌ഫോടനത്തിനു തൊട്ടുമുമ്പ് യൂനിവേഴ്‌സിറ്റിയിലേക്ക് അതിക്രമിച്ചുകയറാന്‍ ശ്രമിച്ച പെണ്‍കുട്ടിയെ വെടിവച്ചു വീഴ്ത്തിയിരുന്നതായും റിപ്പോര്‍ട്ടുണ്ട്.