ബെയ്ജിങ്: ഇന്ത്യയുടെ എന്‍.എസ്.ജി അംഗത്വത്തെ പിന്തുണച്ച യു.എസിന് ചൈനയുടെ പരിഹാസം. വിടവാങ്ങല്‍ സമ്മാനമായി കൊടുക്കേണ്ടതല്ല എന്‍.എസ്.ജി അംഗത്വമെന്ന് ചൈനീസ് വിേേദശകാര്യ മന്ത്രി യു.എസിനെ ഓര്‍മിപ്പിച്ചു.
ഇന്ത്യയുടെ എന്‍.എസ്.ജി പ്രവേശനത്തിന് തടസം നില്‍ക്കുന്നത് ചൈനയാണെന്ന് അമേരിക്ക പരസ്യമായി പ്രസ്താവിച്ചിരുന്നു. തടസ്സക്കാരന്‍ ചൈനയാണെന്ന വിമര്‍ശനമാണ് ചൈനയെ ചൊടിപ്പിച്ചത്. ആണവ വിതരണ സമിതിയില്‍ ഇന്ത്യയ്ക്ക് പ്രവേശനം നല്‍കാന്‍ ഒബാമ ഭരണകൂടം മുന്‍കൈയെടുത്തിരുന്നു. എന്‍.എസ്.ജിയില്‍ 48ാമത് രാജ്യമാകാനുള്ള ഇന്ത്യയുടെ ശ്രമത്തെ തുടക്കം മുതല്‍ ചൈന എതിര്‍ക്കുകയാണ്.