കോട്ടയം: സി.പി.എമ്മിന്റെ ദലിത് പീഡനത്തിനെതിരേ ചേരമ സാംബവ ഡവല്പ്‌മെന്റ് സൊസൈറ്റി (സി.എസ്.ഡി.എസ്) കോട്ടയത്ത് ഇന്ന് നടത്തുന്ന ഹര്‍ത്താലിനിടെ കെ.എസ്.ആര്‍.ടി.സി ബസിനു നേരെ കല്ലേറ്. ഇന്ന് രാവിലെ കോട്ടയം നഗരത്തില്‍ സര്‍വീസ് നടത്തിയ ബസുകള്‍ക്കു നേരെയാണ് ഹര്‍ത്താലനുകൂലികള്‍ കല്ലെറിഞ്ഞത്.

ജില്ലയിലെ വിവിധ ഭാഗങ്ങളില്‍ സി.എസ്.ഡി.എസ് പ്രവര്‍ത്തകര്‍ വാഹനങ്ങള്‍ തടയുന്നുണ്ട്. ജില്ലയില്‍ സ്വകാര്യ ബസ് സര്‍വിസ് നടത്തുന്നില്ല. കടകളും മറ്റു സ്ഥാപനങ്ങളും അടഞ്ഞു കിടക്കുകയാണ്.

കോട്ടയം എം.ജി സര്‍വകലാശാലയില്‍ ദലിത് വിദ്യാര്‍ഥിയെ കഴിഞ്ഞ ദിവസം എസ്.എഫ്.ഐ പ്രവര്‍ത്തകര്‍ ആക്രമിച്ചിരുന്നു. ഇതിലെല്ലാം പ്രതിഷേധിച്ചു കൊണ്ടാണ് ഹര്‍ത്താല്‍. രാവിലെ ആറു മുതല്‍ വൈകീട്ടു ആറു വരെയാണ് ഹര്‍ത്താല്‍. ഹര്‍ത്താലിന് ബി.എസ്.പിയുടെ പിന്തുണയുണ്ട്.