കോഴിക്കോട്: സമൂഹത്തില്‍ വ്യാപിക്കുന്ന അധാര്‍മികതയ്‌ക്കെതിരേ മൂല്യങ്ങളെ കരുതി വയ്ക്കുന്നതിനും മൂല്യബോധങ്ങളെ പ്രചരിപ്പിക്കുന്നതിനും പണ്ഡിതന്മാര്‍ക്ക് മഹല്ല് നേതൃത്വം അവസരങ്ങളും ആത്മവിശ്വാസവും നല്‍കണമെന്ന് സമസ്ത ജില്ലാ കമ്മിറ്റി നന്തി ദാറുസ്സലാം അറബിക് കോളജില്‍ സംഘടിപ്പിച്ച പണ്ഡിത ശില്‍പശാല പ്രമേയത്തിലൂടെ അഭിപ്രായപ്പെട്ടു. 'വഴിവിളക്ക് ' പ്രമേയത്തില്‍ നടത്തുന്ന അര്‍ധവാര്‍ഷിക നവോത്ഥാന കാംപയിനിന്റെ ഭാഗമായുള്ള ശില്‍പശാല സമസ്ത ജില്ലാ പ്രസിഡന്റ് ചേലക്കാട് മുഹമ്മദ് മുസ്‌ലിയാര്‍ ഉദ്ഘാടനം ചെയ്തു. കാംപയിന്‍ സമിതി ചെയര്‍മാന്‍ മുക്കം ഉമര്‍ ഫൈസി അധ്യക്ഷനായി.
മുസ്തഫ ഹുദവി അരൂരും ഇസ്ഹാഖ് ഫൈസി പയ്യന്നൂരും ഡോ. ഗിരീഷ് ബാബും വിവിധ വിഷയങ്ങള്‍ അവതരിപ്പിച്ചു. എന്‍. അബ്ദുല്ല മുസ്‌ലിയാര്‍, അബ്ദുല്‍ ബാരി ബാഖവി, ഇ.കെ അബൂബക്കര്‍ മുസ്‌ലിയാര്‍, അബ്ദുല്‍ ജലീല്‍ ഫൈസി, അബ്ദുല്‍ ഗഫൂര്‍ ഹൈതമി, ആര്‍.വി കുട്ടിഹസ്സന്‍ ദാരിമി, സി.എച്ച് മഹ്മൂദ് സഅദി, എ.പി.പി തങ്ങള്‍, യൂസുഫ് ബാഖവി കരീറ്റിപ്പറമ്പ്, തഖിയുദ്ദീന്‍ ഹൈതമി, അഷ്‌റഫ് ബാഖവി ചാലിയം, അഹമ്മദ് ഫൈസി കടലൂര്‍, കെ.പി കോയ പ്രസംഗിച്ചു. കാംപയിന്‍ ജന. കണ്‍വീനര്‍ നാസര്‍ ഫൈസി കൂടത്തായി സ്വാഗതവും കണ്‍വീനര്‍ മുക്കം സലാം ഫൈസി നന്ദിയും പറഞ്ഞു.
പരിപാടിയോടനുബന്ധിച്ച് കോട്ടുമല ടി.എം ബാപ്പു മുസ്‌ലിയാര്‍ അനുസ്മരണവും പ്രാര്‍ഥനാ സദസും നടന്നു. എ.വി അബ്ദുറഹ്മാന്‍ മുസ്‌ലിയാര്‍ അധ്യക്ഷനായി.