വണ്ടിപ്പെരിയാര്‍: ജില്ലാ സഹകരണ ബാങ്കിന്റെ വണ്ടിപ്പെരിയാര്‍ ശാഖയിലേക്ക് കയറുന്ന നടയില്‍ നിന്ന മദ്യപ സംഘത്തിന്റെ അക്രമത്തില്‍ മൂന്നുപേര്‍ക്ക് പരുക്കേറ്റു.
പരിക്കേറ്റ അബീഷ് (34), പാര്‍ത്ഥന്‍ (25), ബിനീഷ് (26) എന്നിവരെ വണ്ടിപ്പെരിയാര്‍ പി.എച്ച്.സിയില്‍ പ്രവേശിപ്പിച്ചു. പരുക്കേറ്റ അബീഷ് ബാങ്കിലെ സെക്യൂരിറ്റി ജീവനക്കാരനാണ്. പ്രതികളെന്ന് സംശയിക്കുന്നവരും അക്രമിക്കപ്പെട്ടവരും ഒരുമിച്ചിരുന്ന് മദ്യപിച്ചിരുന്നതായി പറയുന്നു.
ബാങ്കിലെ സംഘര്‍ഷത്തിന് ശേഷം ബി.ജെ.പി, സി.പി.എം പ്രവര്‍ത്തകര്‍ പ്രതിഷേധ പ്രകടനങ്ങള്‍ സംഘടിപ്പിച്ചിരുന്നു. സംഘര്‍ഷത്തെ തുടര്‍ന്ന് രതീഷ്, വിഷ്ണു, രമേശ്, അജി എന്നീ ബി.ജെ.പി-ബി.എം.എസ് പ്രവര്‍ത്തകരെ പൊലിസ് അറസ്റ്റ് ചെയ്ത് പീരുമേട് കോടതിയില്‍ ഹാജരാക്കി. ഇവരെ കോടതി 14 ദിവസത്തേക്ക് റിമാന്റ് ചെയ്ത്.
സംഘര്‍ഷത്തിലെ രണ്ടുപ്രതികളെ കൂടി പിടികൂടാനുണ്ടെന്ന് പൊലിസ് പറഞ്ഞു. ഇതിനിടെ ഇന്നലെ രാത്രി നല്ലതമ്പി കോളനിയിലെ രമേഷിന്റെ വീടിന് മുന്നില്‍ കിടന്നിരുന്ന ഓട്ടോറിക്ഷ തീവച്ച് നശിപ്പിച്ച നിലയില്‍ കാണപ്പെട്ടു. ബാങ്കിലുണ്ടായ സംഘര്‍ഷത്തിന്റെ തുടര്‍ച്ചയാണ് ഈ അക്രമമെന്ന് പൊലിസ് പറഞ്ഞു.