ഷില്ലോങ്: അതിര്‍ത്തിയിലെ വനത്തില്‍ നിന്നും സുരക്ഷാ സേന അനധികൃതമായി മരം മുറിക്കുന്നതിനെതിരേ ദക്ഷിണ ഗാരോ കുന്ന് നിവാസിയായ ജെഫ്രിന്‍ സാങ്മ പൊലിസില്‍ പരാതി നല്‍കി. ഇതേതുടര്‍ന്ന് നടത്തിയ പരിശോധനയില്‍ പരാതി ശരിയാണെന്ന് കണ്ടെത്തിയതായി സൗത്ത് ഗാരോ ഹില്‍സ് പൊലിസ് സൂപ്രണ്ട് ആനന്ദ് ശര്‍മ അറിയിച്ചു. മരംമുറിയെ സംബന്ധിച്ച് വിശദമായ അന്വേഷണം നടത്താന്‍ പൊലിസ് തീരുമാനിച്ചിട്ടുണ്ടെന്നും അദ്ദേഹം വ്യക്തമാക്കി.