കോഴിക്കോട്: എഴുത്തിന്റെ പുതിയ മേഖലകള്‍ തേടുന്നവര്‍ ജീവിതത്തെ മറക്കരുതെന്ന് എഴുത്തുകാരനും വയലാര്‍ അവാര്‍ഡ് ജേതാവുമായ യു.കെ കുമാരന്‍. ലിപി പബ്ലിക്കേഷന്‍ പുറത്തിറക്കിയ മജീദ് മുത്തേടത്തിന്റെ 'ഒരു പോങ്ങ റേഷനരി' നോവലിന്റെ പ്രകാശനം നിര്‍വഹിച്ചു സംസാരിക്കുകയായിരുന്നു അദ്ദേഹം.
ചടങ്ങില്‍ നവാസ് പൂനൂര്‍ അധ്യക്ഷനായി. കവി പി.കെ ഗോപി പുസ്തകം ഏറ്റുവാങ്ങി. ചടങ്ങ് കെ. ശ്രീകുമാര്‍ ഉദ്ഘാടനം ചെയ്തു.
രാധാകൃഷ്ണന്‍ എളയടത്ത് പുസ്തക പരിചയം നടത്തി. മധുസൂദനന്‍ കര്‍ത്ത, സതീഷ് കെ. സതീഷ്, സലാം വട്ടോളി, ടി. മുഹമ്മദലി, എം.എം സൈനുദ്ദീന്‍, റഷീദ് മുത്തുക്കണ്ടി, സജീവന്‍ മാണിക്കോത്ത് സംസാരിച്ചു. മജീദ് മുത്തേടം നന്ദി പറഞ്ഞു.