അരീക്കോട്: എറനാട് മണ്ഡലത്തിലെ മുഴുവന്‍ വിദ്യാലയങ്ങളിലും സ്‌നേഹപൂര്‍വം സുപ്രഭാതം പദ്ധതി നടപ്പാക്കുന്നു. എറനാട്ടിലെ സ്‌കൂള്‍ അധികൃതരുടെ അഭ്യര്‍ഥന മാനിച്ചാണ് പദ്ധതി നടപ്പാക്കുന്നത്. അരീക്കോട് ഗവ. ഹയര്‍സെക്കന്‍ഡറി സ്‌കൂളില്‍ നടന്ന ചടങ്ങില്‍ ജില്ലാ കലക്ടര്‍ അമിത് മീണ അരീക്കോട് ബ്ലോക്ക് പഞ്ചായത്ത് പ്രസിഡന്റ് പറമ്പന്‍ ലക്ഷ്മിക്ക് പത്രം നല്‍കി പദ്ധതിയുടെ ഉദ്ഘാടനം നിര്‍വഹിച്ചു.
പറമ്പന്‍ ലക്ഷ്മിയാണ് സ്‌കൂളിലേക്ക് അഞ്ചു കോപ്പി പത്രം സ്‌പോണ്‍സര്‍ ചെയ്തത്. പ്രിന്‍സിപ്പല്‍ വീരാന്‍ മാസ്റ്റര്‍ അധ്യക്ഷനായി. സുപ്രഭാതം ആര്‍.എം വൈ.പി ശിഹാബ് അരീക്കോട് പദ്ധതി വിശദീകരിച്ചു. എസ്.എം.സി ചെയര്‍മാന്‍ ഉമര്‍ വെള്ളേരി, സുപ്രഭാതം ഓര്‍ഗനൈസര്‍ എന്‍.സി ഷെരീഫ് കിഴിശ്ശേരി, തോംസണ്‍ സെബാസ്റ്റ്യന്‍, ഷക്കീബ് കീലത്ത്, ടി.കെ മുഹമ്മദലി മാസ്റ്റര്‍, എന്‍. ശിഹാബുദ്ദീന്‍, അബ്ദുസ്സലാം ആലുക്കല്‍, അഡ്വ. ഷെരീഫ് ഉള്ളത്ത്, കലേഷന്‍, ടി.കെ അലി, എം. നൗഷാദ് റഹീം, പി.കെ പുഷ്പലത, എല്‍. കല, അബ്ദുല്‍ നാസര്‍ കുഴിഞ്ഞളം, റഹ്മത്ത് അരീക്കോട് സംബന്ധിച്ചു.