കൊണ്ടോട്ടി: അരിമ്പ്രയില്‍ നടക്കുന്ന ജില്ലാ ലീഗ് എഫ്. ഡിവിഷന്‍ ഫുട്‌ബോള്‍ ടൂര്‍ണമെന്റില്‍ ഇന്നലത്തെ ആദ്യ മത്സരത്തില്‍ മലപ്പുറം എഫ്.സി ഒന്നിനെതിരേ മൂന്നു ഗോളിന് പി.എസ്.എം.ഒ കോളജ് തിരൂരങ്ങാടിയെ പരാജയപ്പെടുത്തി. രണ്ടാം മത്സരത്തില്‍ സോക്കര്‍ യൂത്ത് മുണ്ടുപറമ്പും യുണൈറ്റഡ് എഫ്.സി മലപ്പുറവും ഓരോ ഗോള്‍ വീതം അടിച്ച് സമനില പാലിച്ചു.
ഇന്നു വൈകിട്ട് 3.30ന് നടക്കുന്ന ആദ്യ മത്സരത്തില്‍ ഫ്രണ്ട്‌സ് ക്ലബ് കാളികാവും ഏറനാട് ഫൈറ്റേഴ്‌സ് എഫ്.സി മഞ്ചേരിയും തമ്മിലും 4.45ന് നടക്കുന്ന രണ്ടാം മത്സരത്തില്‍ പി.എസ്.എം.ഒ കോളജ് തിരൂരങ്ങാടിയും ന്യൂകാസില്‍ കൊട്ടപ്പുറവും തമ്മിലും മാറ്റുരയ്ക്കും.