കോട്ടയം: 122-ാമത് മാരാമണ്‍ കണ്‍വന്‍ഷന് ഫെബ്രുവരി 12ന് തുടക്കമാവും. 19 വരെ മാരാമണ്‍ പമ്പാനദിക്കരയിലാണ് കണ്‍വന്‍ഷന്‍. 12ന് ഉച്ചയ്ക്ക് 2.30ന് ഡോ ഫിലിപ്പോസ് മാര്‍ ക്രിസോസ്റ്റം വലിയ മെത്രാപ്പോലീത്ത ആരാധനയ്ക്ക് നേതൃത്വം നല്‍കും. ഡോ യുയാക്കിം മാര്‍ കൂറിലോസ് എപ്പിസ്‌കോപ്പ അധ്യക്ഷനാകും.
13 മുതല്‍ 19 വരെ രാവിലെ 10നും ഉച്ചയ്ക്ക് 2നും വൈകുന്നേരം 6.30നും പൊതുയോഗങ്ങളും രാവിലെ 7.30 മുതല്‍ സ്ത്രീകള്‍ക്കും പുരുഷന്മാര്‍ക്കും ബൈബിള്‍ ക്ലാസും കുട്ടികള്‍ക്കുള്ള പ്രത്യേക യോഗവും നടക്കും. 15ന് രാവിലെ 10ന് എക്യുമെനിക്കല്‍ സമ്മേളനം, ഉച്ചയ്ക്ക് രണ്ടിന് ബോധവല്‍ക്കരണ സമ്മേളനം എന്നിവ നടക്കും. 13,14 തീയതികളില്‍ വൈകുന്നേരം നാലിന് കുടുംബവേദി യോഗങ്ങള്‍ നടക്കും. 15ന് വൈകുന്നേരം നാലിന് മദ്യവര്‍ജ്ജന സമിതിയുടെ പ്രത്യേക കൂട്ടായ്മ. 16മുതല്‍ 19 വരെ യുവവേദി യോഗങ്ങള്‍ നടക്കും. കണ്‍വന്‍ഷന്റെ സുഗമമായ നടത്തിപ്പിനായി വിവിധ വകുപ്പുകളുടെ പ്രവര്‍ത്തനം ഏകോപിപ്പിച്ചിട്ടുണ്ട്. വാര്‍ത്താസമ്മേളനത്തില്‍ റവ ജോര്‍ജ്ജ് വര്‍ഗ്ഗീസ് പുന്നയ്ക്കാട്, അനീഷ് കുന്നപ്പുഴ, എ.എം മാണി, ഡോ ഷിബു ഉമ്മന്‍ എന്നിവര്‍ പങ്കെടുത്തു.