പൊലിസ് ജീപ്പ് അമിത വേഗതയിലായിരുന്നുവെന്ന് നാട്ടുകാര്‍
വാടാനപ്പള്ളി: പള്ളിയില്‍ നിസ്‌കാരത്തിനു പോവുകയായിരുന്ന യുവാവിന് പൊലിസ് ജീപ്പിടിച്ച് പരുക്കേറ്റു. വാടാനപ്പള്ളി മൊയ്ദീന്‍ പള്ളിക്ക് സമീപം അമ്പലത്തുവീട്ടില്‍ ഹമീദിന്റെ മകന്‍ താജു (ഷാജി45)നാണ് പരുക്ക് പറ്റിയത്. കഴിഞ്ഞ ദിവസം വൈകീട്ട് നാലു മണിയോടെ എം.എല്‍ എ വളവിലുള്ള പലചരക് കടനടത്തുന്ന താജു കടയില്‍ നിന്നും സമീപത്തെ പള്ളിയിലേക്ക് നിസ്‌കാരത്തിനു പോകുന്നതിനിടയില്‍ പൊലിസ് ജീപ്പ് ഷാജിയെ ഇടിച്ചു തെറിപ്പിക്കുകയായിരുന്നു. പൊലിസ് ജീപ്പ് അമിത വേഗതയിലായിരുന്നുവെന്ന് നാട്ടുകാര്‍ പറയുന്നു. അതേസമയം പരുക്കേറ്റയാളെ പൊലിസ് ആശുപത്രിയില്‍ കൊണ്ടുപോകാന്‍ തയ്യാറായില്ലന്നും പറയുന്നു. പിന്നീട് നാട്ടുകാര്‍ ഓട്ടോറിക്ഷയിലാണ് ഇയാളെ ആശുപത്രിയിലെത്തിച്ചത്.അപകടത്തില്‍ ഒരു കൈയും കാലും ഒടിഞ്ഞ നിലയിലയില്‍ ഏങ്ങണ്ടിയൂരിലെ സ്വകാര്യ ആശുപത്രിയില്‍ ചികില്‍സയിലാണ് ഷാജി. പരുക്ക് നിസാരമാണെന്ന് പറഞ്ഞ് പൊലിസ് തിരിഞ്ഞു നോക്കിയില്ലെന്നും ബന്ധുക്കള്‍ പറഞ്ഞു. മനുഷ്യാവകാശ കമ്മീഷനു പരാതി നല്‍കുമെന്നും ബന്ധുക്കള്‍ പറഞ്ഞു.

.