ദോഹ: ഏഴാമത് അഖിലകേരള ഫുട്‌ബോള്‍ ടൂര്‍ണമെന്റ് നാളെ ആരംഭിക്കും. ദോഹ സ്‌പോര്‍ട്‌സ് സ്റ്റേഡിയത്തിലാണ് ഉദ്ഘാടനം. ഖത്തറിലുള്ള 12 ടീമുകളാണ് ഈ മേളയില്‍ മാറ്റുരയ്ക്കുന്നത്. വ്യാഴം, വെള്ളി ദിവസങ്ങളില്‍ ദോഹ സ്‌പോര്‍ട്‌സ് സ്റ്റേഡിത്തിലായിരിക്കും മത്സരങ്ങള്‍. 2022 ലോകകപ്പിന് ആതിഥേയത്വം വഹിക്കുന്ന ഖത്തറിലെ ഫുട്‌ബോള്‍ പ്രേമികള്‍ വളരെ പ്രതീക്ഷയോടെയാണ് ഇന്ത്യന്‍ സമൂഹത്തിന്റെ കായിക സംരംഭങ്ങളെ നോക്കിക്കാണുന്നത്. വാഖ് ഡയാലിസിസ് സെന്ററിന് സ്വന്തമായൊരു കെട്ടിടമെന്ന ലക്ഷ്യം പൂര്‍ത്തീകരിക്കാനാണ് വാഴക്കാട് അസോസിയേഷന്റെ ഫുട്ബാള്‍ ടൂര്‍ണമെന്റുകളും മറ്റും സംഘടിപ്പിക്കുന്നതെന്ന്്് വാഖ് ഭാരവാഹികള്‍ പത്രസമ്മേളനത്തില്‍ അറിയിച്ചു.