കോഴിക്കോട്:സംസ്ഥാന ജൂനിയര്‍ ഫുട്ബാള്‍ ചാംപ്യന്‍ഷിപ്പില്‍ മലപ്പുറത്തെ വീഴ്ത്തി ആതിഥേയരായ കോഴിക്കോട് ജേതാക്കളായി. ആവേശകരമായ ഫൈനല്‍ മത്സരത്തില്‍ നിശ്ചിതസമയത്ത് ഇരു ടീമുകളും ഗോള്‍രഹിത സമനില പാലിച്ചതിനെ തുടര്‍ന്ന് ഷൂട്ടൗട്ടിലാണ് ജേതാക്കളെ കണ്ടെത്തിയത്. ഷൂട്ടൗട്ടില്‍ രണ്ടണ്ടിനെതിരെ മൂന്ന് ഗോളുകള്‍ക്കാണ് കോഴിക്കോട് ജയിച്ചത്.
കോഴിക്കോടിന് വേണ്ടണ്ടി എന്‍.കെ അഷ്മലും ശ്യാംജിത്ത് ലാലും മുഹമ്മദ് ഇനായത്തും ഷൂട്ടൗട്ടില്‍ ലക്ഷ്യം കണ്ടു. മലപ്പുറത്തിന് വേണ്ടണ്ടി മുഹമ്മദ് സജാദും പി.കെ ഫസീനുമാണ് സ്‌കോര്‍ ചെയ്തത്. കളിച്ച നാല് കളികളും തോല്‍വിയറിയാതെയാണ് സ്വന്തം തട്ടകത്തില്‍ കോഴിക്കോട് കിരീടം നേടിയത്. കൗമാര ഫുട്്‌ബോളിന്റെ മനോഹാരിത മുഹൂര്‍ത്തങ്ങള്‍ക്ക് സാക്ഷ്യം വഹിച്ച കോര്‍പ്പറേഷന്‍ സ്റ്റേഡിയത്തില്‍ ഇരു ടീമുകളും ആദ്യാവസാനം വരെ പൊരുതികളിച്ചു. നിരവധി ഗോളവസരങ്ങള്‍ ഇരുടീമുകള്‍ക്കും ലഭിച്ചു.
ജില്ലാ ജൂനിയര്‍ ഫുട്‌ബോള്‍ ചാംപ്യന്‍ഷിപ്പില്‍ നിന്നും തെരഞ്ഞെടുക്കപ്പെട്ടവര്‍ക്കായി 40 ദിവസത്തെ ക്യാംപ് സംഘടിപ്പിച്ച് അതില്‍ നിന്നാണ് ടീമുകളെ തെരഞ്ഞെടുത്തത്.
എ.വി മുഹമ്മദ് ലാമിസായിരുന്നു ടീമിന്റെ നായകന്‍. നിയാസ് റഹ്മാന്‍ മുഖ്യ പരിശീലകനും ഷാനവാസ് സഹ പരിശീലകനുമായിരുന്നു. മലപ്പുറത്തിന് വേണ്ടണ്ടി അനുരാഗ് പി.സി മികച്ച പ്രകടനം പുറത്തെടുത്തു.
ലൂസേഴ്‌സ് ഫൈനലില്‍ ആലപ്പുഴ എതിരില്ലാത്ത രണ്ട് ഗോളിന് തൃശൂരിനെ പരാജയപ്പെടുത്തി. ആലപ്പുഴക്ക് വേണ്ടി മൂന്നാംമിനുട്ടില്‍ ഷാഹുലും 23ാം മിനുട്ടില്‍ രാഹുല്‍ വിഷ്ണുവും സ്‌കോര്‍ ചെയ്തു.
ഫൈനലില്‍ ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് കെ.ജെ മത്തായി മുഖ്യാതിഥിയായി.
സമാപന ചടങ്ങില്‍ വിജയികള്‍ക്ക് ഹസന്‍ഘോഷ് മെമ്മോറിയല്‍ ട്രോഫി മുന്‍ ഇന്ത്യന്‍ ഗോള്‍ കീപ്പര്‍ കെ.പി സേതുമാധവന്‍ സമ്മാനിച്ചു.