ജിദ്ദ:എസ്.കെ.ഐ.സി സഊദി നാഷണല്‍ കമ്മിറ്റിയുടെ കീഴില്‍ നടന്നു വരുന്ന 'ഖുര്‍ആന്‍ രക്ഷയുടെ സല്‍സരണി 'എന്ന ക്യാമ്പയിന്റെ രണ്ടാം ഘട്ടത്തിന് ജിദ്ദ ഇസ്ലാമിക് സെന്ററില്‍ തുടക്കം കുറിച്ചു. സഹല്‍ തങ്ങള്‍ ഉദ്ഘാടനം ചെയ്തു. ഉബൈദുല്ല തങ്ങള്‍ മേലാറ്റൂര്‍ അധ്യക്ഷം വഹിച്ചു.
സമസ്ത സെക്രട്ടറി ആയിരുന്ന കെ വി. മുഹമ്മദ് മുസ്ലിയാര്‍ രചിച്ച 'ഫത്തഹുറഹ്മാന്‍ ഫീ തഫ്‌സീരില്‍ ഖുര്‍ആന്‍ 'എന്ന ഖുര്‍ആന്‍ വ്യാഖ്യാന ഗ്രന്ഥത്തിനെ അവലംബമാക്കിയാണ് ക്യാമ്പയിന്‍ രൂപപ്പെടുത്തിയിട്ടുള്ളത്. സഊദിയിലെ എല്ലാ പ്രവിശ്യകളിലും 29 സ്ഥലങ്ങളില്‍ നൂറോളം പരീക്ഷാ കേന്ദ്രങ്ങള്‍ സജ്ജമായി കഴിഞ്ഞു. ക്യാമ്പയിനോട് ബന്ധപെട്ട് ഫാമിലി സംഗമം, പ്രവര്‍ത്തക ക്യാമ്പയിന്‍, ഞാന്‍ അറിഞ്ഞ ഖുര്‍ആന്‍, സിമ്പോസിയങ്ങള്‍,മെഗാ ക്വിസ്, ടേബിള്‍ ടോക്ക്, ഹാഫിളുകളുടെയും ഖാരിഉകളെയും ആദരിക്കല്‍, ഹിഫഌ, ഖിറാഅത്ത് മത്സരങ്ങള്‍, ഖുര്‍ആന്‍ ഭൂമികയിലൂടെ പഠനയാത്ര, പ്രൊവിന്‍സ് ദേശീയതല മത്സരങ്ങള്‍ തുടങ്ങിയവ ക്യാമ്പയിനോടനുബന്ധിച്ച് നടക്കുന്നത്.