ടെഹ്‌റാന്‍: ഇറാന്‍ തലസ്ഥാനമായ ടെഹ്‌റാനില്‍ കൂറ്റന്‍ കെട്ടിടത്തിലുണ്ടായ വന്‍ തീപിടിത്തത്തില്‍ 30 പേര്‍ മരിച്ചു. നിരവധി പേര്‍ കെട്ടിടത്തിനുള്ളില്‍ കുടുങ്ങിക്കിടക്കുന്നതായാണ് വിവരം.

സ്ഥലത്ത് തീ അണയ്ക്കുന്നതിനായി അഗ്നി സേനാംഗങ്ങള്‍ പരിശ്രമം തുടരുകയാണ്. പരുക്കുകളേറ്റ ഇരുനൂറിലധികം പേരെ വിവിധ ആശുപത്രികളില്‍ പ്രവേശിപ്പിച്ചു.

ടെഹ്‌റാനിലെ വാണിജ്യ കേന്ദ്രമായ 17 നില കെട്ടിടത്തിനാണ് തീ പിടിച്ചത്. 1960 കളില്‍ നിര്‍മിച്ച ഈ കെട്ടിടം ഇറാനിലെ ആദ്യകാല കൂറ്റന്‍ കെട്ടിടങ്ങളില്‍ ഒന്നായിരുന്നു.