മണ്ണാര്‍ക്കാട്: സുന്നി യുവജന സംഘം മണ്ണാര്‍ക്കാട് മണ്ഡലം കമ്മിറ്റിയുടെ ആഭിമുഖ്യത്തില്‍ നടന്നുവരുന്ന, റഹ്മത്തുള്ള ഖാസിമിയുടെ പ്രതിമാസ ഖുര്‍ആന്‍ പ്രഭാഷണം വിവിധ പഞ്ചായത്ത് തലങ്ങളില്‍ കൂടി വ്യാപിപ്പിക്കാന്‍ തീരുമാനിച്ചതിന്റെ അടിസ്ഥാനത്തില്‍  ഇന്ന് വൈകുന്നേരം ഏഴിന് അലനല്ലൂര്‍ എന്‍.കെ. ഓഡിറ്റോറിയത്തില്‍ ഖുര്‍ആന്‍ പ്രഭാഷണവും, മജ്‌ലിസുന്നൂറും, സമസ്ത കേരള ഇസ്‌ലാംമത വിദ്യാഭ്യാസ ബോര്‍ഡ് ജനറല്‍ സെക്രട്ടറിയായിരുന്ന കോട്ടുമല ബാപ്പു മുസ്‌ലിയാരുടെ അനുസ്മരണവും നടക്കും.
ഖുര്‍ആന്‍ പണ്ഡിതനും വാഗ്മിയുമായ റഹ്മത്തുള്ള ഖാസിമി മുഖ്യപ്രഭാഷണം നടത്തും. എസ്.വൈ.എസ് മണ്ഡലം പ്രസിഡന്റ് ഹബീബ് ഫൈസി കോട്ടോപ്പാടം അധ്യക്ഷനാകും. എസ്.വൈ.എസ് സംസ്ഥാന സെക്രട്ടറി അലവി ഫൈസി കുളപ്പറമ്പ് ഉദ്ഘാടനം ചെയ്യും. എസ്.വൈ.എസ് മണ്ഡലം ജനറല്‍ സെക്രട്ടറി സംസം ബഷീര്‍ ആമുഖവും പ്രോഗ്രാം കണ്‍വീനര്‍ ടി.എ. റസാഖ് മാസ്റ്റര്‍ നന്ദിയും പറയും.
എസ്.എം.എഫ് മേഖലാ പ്രസിഡന്റ് സി. മുഹമ്മദ് കുട്ടി ഫൈസി മജ്‌ലിസുന്നൂറിന് നേതൃത്വം നല്‍കും. സി. മുഹമ്മദലി ഫൈസി, കെ.സി. അബൂബക്കര്‍ ദാരിമി, ഷമീര്‍ ഫൈസി കോട്ടോപ്പാടം, കെ. മുഹമ്മദ് ഫൈസി, ഹനീഫ ഫൈസി കൊന്നാരം സംബന്ധിക്കും.