കൊല്ലം: തേവലക്കര ഹോളിട്രിനിറ്റി  ആംഗ്ലോ ഇന്ത്യന്‍ ഇന്റര്‍നാഷനല്‍ സ്‌കൂളില്‍ മെരിറ്റ്‌ഡേ, ആനുവല്‍ഡേ ആഘോഷങ്ങള്‍ 24 മുതല്‍ 26 വരെ നടക്കുമെന്ന് ചെയര്‍മാന്‍ ഫ്രാന്‍സിസ് ഡൊമിനിക്ക്, മാനേജര്‍ ആര്‍ പ്രമോദ്, പ്രിന്‍സിപ്പില്‍ കെ ലീന, അഡ്മിനിസ്‌ട്രേറ്റര്‍ എസ് സുരേന്ദ്രന്‍പിള്ള, സാംസണ്‍ നെറ്റോ എന്നിവര്‍ വാര്‍ത്താസമ്മേളനത്തില്‍ അറിയിച്ചു. 24ന് രാവിലെ 10ന് മെരിറ്റ്‌ഡേ കെ. സോമപ്രസാദ് എം.പിയും 25ന് മെരിറ്റ്‌ഡേ ആര്‍. രാമചന്ദ്രന്‍ എം.എല്‍.എയും ഉദ്ഘാടനം ചെയ്യും. 26ന് വൈകിട്ട് 3ന് 11ാം വാര്‍ഷികാഘോഷവും പുതിയ സ്‌കൂള്‍ ബ്ലോക്കിന്റെ ഉദ്ഘാടനവും മന്ത്രി ജെ. മേഴ്‌സിക്കുട്ടിയമ്മ നിര്‍വഹിക്കും. പ്രൊഫ. റിച്ചാര്‍ഡ് ഹേ എം.പി ഔട്ട്‌ഡോര്‍ സ്‌റ്റേഡിയവും സിനിമാ നടന്‍ ജയറാം നീന്തല്‍കുളവും ഉദ്ഘാടനം ചെയ്യും. കോവൂര്‍ കുഞ്ഞുമോന്‍ എം.എല്‍.എ അധ്യക്ഷത വഹിക്കും.