പത്തനംതിട്ട: രണ്ട് മാസക്കാലം നീണ്ടു നിന്ന ശബരിമല തീര്‍ഥാടന കാലത്തിന് സമാപനം. തീര്‍ഥാടകര്‍ക്ക് ഇന്നലെവരെ മാത്രമേ ദര്‍ശനത്തിന് അനുവാദം ഉണ്ടായിരുന്നുള്ളു. ഇന്നലെ രാത്രി നട അടച്ച ശേഷം പന്തളം രാജപ്രതിനിധി മാളികപ്പുറത്ത് നടയില്‍ എത്തി. തുടര്‍ന്ന് ഇദ്ദേഹത്തിന്റെ സാന്നിധ്യത്തില്‍ കുരുതി എന്ന ചടങ്ങ് നടന്നു.
ഇന്ന് രാവിലെ രാജപ്രതിനിധി അയ്യപ്പദര്‍ശനം നടത്തും. തുടര്‍ന്ന് മേല്‍ശാന്തി ഉണ്ണികൃഷ്ണന്‍ നമ്പൂതിരി നട അടച്ച് ശ്രീകോവിലിന്റെ താക്കോല്‍ രാജപ്രതിനിധിക്ക് നല്‍കും. പതിനെട്ടാംപടിക്ക് താഴെവച്ച് രാജപ്രതിനിധി പണക്കിഴിയും താക്കോലും ദേവസ്വം ഉദ്യോഗസ്ഥരെ തിരികെ ഏല്‍പ്പിക്കും. 23 ന് രാവിലെ തിരുവാഭരണങ്ങള്‍ പന്തളത്ത് തിരികെ എത്തിക്കും.