തൊടുപുഴ: വിലക്ക് ലംഘിച്ച് ശബരിമലയില്‍ പ്രവേശിക്കുമെന്ന് മുന്നറിയിപ്പ് നല്‍കിയ ഭൂമാതാ ബ്രിഗേഡ് നേതാവ് തൃപ്തി ദേശായിയെ തൊടുപുഴയില്‍ കണ്ടതായി അഭ്യൂഹം. ഇവര്‍ ശബരിമലയില്‍ പ്രവേശിച്ചാല്‍ ക്രമസമാധാന പ്രശ്‌നമുണ്ടാകുമെന്ന ഇന്റലിജന്‍സ് റിപ്പോര്‍ട്ടിനെ തുടര്‍ന്നു ഇടുക്കി, പത്തനംതിട്ട, കോട്ടയം ജില്ലകളില്‍ പൊലിസ് ജാഗ്രതാ നിര്‍ദേശം നല്‍കിയിട്ടുണ്ട്.
ശബരിമലയിലേക്ക് തൃപ്തി ദേശായി കടന്നു പോകാന്‍ സാധ്യതയുള്ള റൂട്ടുകളില്‍ പൊലിസ് നിരീക്ഷണം ശക്തമാക്കിയിരുന്നു. ഇതിനിടെ ഇന്നലെ ഉച്ചയ്ക്ക് 12 മണിയോടെ മുട്ടത്ത് തൃപ്തി ദേശായിയെ കാറില്‍ സഞ്ചരിക്കുന്നതായി കണ്ടെന്നാണു ശബരിമല തീര്‍ഥാടകന്‍ വിവരം നല്‍കിയത്. ഇടുക്കി, കോട്ടയം, പത്തനംതിട്ട ജില്ലകളില്‍ ജാഗ്രതാ നിര്‍ദേശം നല്‍കാന്‍ ഡി.ജി.പി ലോക്‌നാഥ ബെഹ്‌റ നിര്‍ദേശം നല്‍കി.