കൊച്ചി: യമനിലെ മിഷണറീസ് ഓഫ് ചാരിറ്റീസ് കോണ്‍വെന്റില്‍ നിന്ന് ഐ.എസ് തീവ്രവാദികള്‍ തട്ടിക്കൊണ്ടു പോയ ഫാ.ടോം ഉഴുന്നാലിന്റെ മോചനം ആവശ്യപ്പെട്ട് കൊച്ചി രൂപതയിലെ നോര്‍ത്ത് കുമ്പളങ്ങി സെന്റ്‌ജോസഫ്‌സ് ഇടവകാംഗങ്ങള്‍ നിറങ്ങള്‍ കൊണ്ട് കൂറ്റന്‍ അപേക്ഷ തയാറാക്കുമെന്ന് വികാരി ഫാ. ജോയി ചക്കാലക്കല്‍ വാര്‍ത്താസമ്മേളനത്തില്‍ അറിയിച്ചു.
ഈ മാസം 22ന് വൈകുന്നേരം അഞ്ചിന് കുമ്പളങ്ങി-പെരുമ്പടപ്പ് പാലത്തില്‍ 220 മീറ്റര്‍ നീളത്തിലുള്ള കൂറ്റന്‍ ക്യാന്‍വാസില്‍ ഒരുക്കുന്ന നിറക്കൂട്ട് അപേക്ഷ കെ.വി തോമസ് എം.പി ഉദ്ഘാടനം ചെയ്യും. വാര്‍ത്താസമ്മേളനത്തില്‍ ജോജോ തഴുപ്പിപറമ്പില്‍, പോള്‍ ബെന്നി പുളിക്കല്‍, ജിനു വലിയപറമ്പില്‍, സെലസ്റ്റിന്‍ കുരിശിങ്കല്‍ എന്നിവര്‍ പങ്കെടുത്തു.