കാക്കനാട്: സുരക്ഷിതം ഇന്ത്യ ഈ കരങ്ങളില്‍ എന്ന പ്രമേയവുമായി എസ്.കെ.എസ്.ബി.വി സംസ്ഥാനത്ത് എല്ലാ റെയിഞ്ചുകളിലും റിപ്പബ്ലിക് ദിനത്തില്‍ രാവിലെ എട്ടിന് ബാല ഇന്ത്യ സംഘടിപ്പിക്കുന്നു. എറണാകുളം ജില്ലയിലെ എല്ലാ റെയിഞ്ചുകളിലും എസ്.കെ.എസ്.ബി.വി കമ്മിറ്റികള്‍ ബാല ഇന്ത്യ സംഘടിപ്പിക്കും. തൃക്കാക്കര മുണ്ടംപാലം തര്‍ബിയ്യത്തുല്‍ ഇസ്‌ലാം മദ്‌റസ അങ്കണത്തില്‍ നടക്കുന്ന ജില്ലാതല ഉദ്ഘാടനത്തില്‍ പ്രമുഖ വ്യക്തിത്വങ്ങള്‍ പങ്കെടുക്കും.
മുണ്ടംപാലം തര്‍ബിയ്യത്തുല്‍ ഇസ്‌ലാം മദ്രസയില്‍ നടന്ന സ്വാഗത സംഘം യോഗം തൃക്കാക്കര റെയിഞ്ച് പ്രസിഡന്റ് എം.എം അബുബക്കര്‍ ഫൈസി ഉദ്ഘാടനം ചെയ്തു. എസ്.കെ.എസ്.ബി.വി റെയിഞ്ച് പ്രസിഡന്റ് അസ് ലം അധ്യക്ഷത വഹിച്ചു.
ജില്ലാ പ്രസിഡന്റ് മുഹമ്മദ് സമീല്‍ മുഖ്യ പ്രഭാഷണം നടത്തി. തൃക്കാക്കര റെയിഞ്ച് ജനറല്‍ സെക്രട്ടറി യൂസഫ് മാസ്റ്റര്‍, എസ്.കെ.എസ്.ബി.വി റെയിഞ്ച് കണ്‍വീനര്‍ അന്‍സാര്‍ ബാഖവി എന്നിവര്‍ പ്രസംഗിച്ചു. ജില്ല ജനറല്‍ സെക്രട്ടറി അംജദ് അലി സ്വാഗതവും, ട്രഷറര്‍ മുഹമ്മദ് അസ്‌ലം നന്ദിയും പറഞ്ഞു.