മുംബൈ: മാര്‍ച്ച് 31ന് അവസാനിക്കുന്ന ഹാപ്പി ന്യൂ ഇയര്‍ ഓഫറിന് ശേഷവും റിലയന്‍സ് ജിയോ സൗജന്യ സേവനം തുടരുമെന്ന് വിവരം. മാര്‍ച്ച് 31ന് ശേഷം ജൂണ്‍ 30 വരെയായിരിക്കും പുതിയ ഓഫറിന്റെ കാലാവധി.

പുതിയ ഓഫര്‍ പ്രകാരം വോയ്‌സ് കോളുകള്‍ പൂര്‍ണ സൗജന്യമായിരിക്കും. എന്നാല്‍ ഡാറ്റ സേവനത്തിനായി 100 രൂപ അധികമായി നല്‍കേണ്ടി വരും. പുതിയ വാര്‍ത്തയെ കുറിച്ച് റിലയന്‍സ് വ്യക്തമായ വിവരങ്ങള്‍ നല്‍കിയിട്ടില്ല. സെപ്തംബര്‍ 5നായിരുന്നു ജിയോ ഇന്ത്യയില്‍ സേവനം ആരംഭിച്ചത്. നാല് മാസത്തിനകം 72 മില്യണ്‍ ഉപയോക്താക്കളുമായി ജിയോ ഇന്ത്യന്‍ ടെലികോം രംഗത്ത് ചരിത്രം കുറിച്ചിരുന്നു.