റിയാദ്: മദീനയിലുണ്ടായ വാഹനാപകടത്തില്‍ അഞ്ചു ഉംറ തീര്‍ഥാടകര്‍ മരിച്ചു. മദീന-മക്ക ഹിജ്‌റ പാതയിലാണ് ബുധനാഴ്ച രാത്രി അപകടം നടന്നത്. യൂറോപ്യന്‍ തീര്‍ഥാടകരുമായി സഞ്ചരിക്കുകയായിരുന്ന മിനിബസ് മറിഞ്ഞാണ് അപകടം. അഞ്ചു പേരും സംഭവസ്ഥലത്തു മരിച്ചു.
പരുക്കേറ്റ എട്ടു പേരെ മദീനയിലെയും വാദി ഫര്‍ഇലെയിലെയും ആശുപത്രികളിലാണ് പ്രവേശിപ്പിച്ചിരിക്കുന്നത്. ഇവരില്‍ മൂന്നു പേരുടെ നില ഗുരുതരമാണെന്ന് അധികൃതര്‍ അറിയിച്ചു.