വളാഞ്ചേരി: അന്താരാഷ്ട്ര ഇസ്‌ലാമിക് യൂനിവേഴ്‌സിറ്റീസ് ലീഗില്‍ അംഗത്വമുള്ള കോഡിനേഷന്‍ ഓഫ് ഇസ്്‌ലാമിക് കോളജസിന്റെ (സി.ഐ.സി) കീഴിലുള്ള 43 അഫിലിയേറ്റഡ് സ്ഥാപനങ്ങളിലെ വിദ്യാര്‍ഥികള്‍ മാറ്റുരക്കുന്ന സംസ്ഥാന വാഫി സ്‌പോര്‍ട്‌സ് മീറ്റ് നാളെ കാലിക്കറ്റ് യൂനിവേഴ്‌സിറ്റി സ്റ്റേഡിയത്തില്‍ അരങ്ങേറും. രാവിലെ ഏഴിന് രജിസ്‌ട്രേഷന്‍ ആരംഭിക്കും. സമാപന സംഗമം പാണക്കാട് സയ്യിദ് ഹമീദ് അലി ശിഹാബ് തങ്ങള്‍ ഉദ്ഘാടനം ചെയ്യും. കാലിക്കറ്റ് സര്‍വകലാശാല വൈസ് ചാന്‍സിലര്‍ ഡോ. മുഹമ്മദ് ബഷീര്‍ മുഖ്യാതിഥിയാകും.
ബാഡ്മിന്റണ്‍, 100മീറ്റര്‍ ഓട്ടം, ട്രിപ്പിള്‍ ജംപ്, ഹൈജംപ്, ഷോട്പുട്ട്, വടംവലി തുടങ്ങി ഗെയിംസ് - അത്‌ലറ്റിക്‌സ് വിഭാഗങ്ങളിലെ നാല്‍പ്പതോളം ഇനങ്ങളിലായി ആയിരത്തോളം പ്രതിഭകള്‍ മാറ്റുരക്കും. കോളജ് തല മത്സരങ്ങളില്‍ മികവ് തെളിയിച്ച കായിക പ്രതിഭകള്‍ക്കാണ് വാഫി സ്‌പോര്‍ട്‌സ് മീറ്റില്‍ പങ്കെടുക്കാനവസരം. വാഫി സ്റ്റുഡന്റ്‌സ് ഫെഡറേഷന്‍ ആണ് കായിക മേള സംഘടിപ്പിക്കുന്നത്.