ദമസ്‌കസ്: പല്‍മിറയിലെ ചിരപുരാതനമായ റോമന്‍ തിയേറ്റര്‍ ഐ.എസ് തകര്‍ത്തു. ഡിസംബറിലാണ് യുനസ്‌കോ പൈതൃക പട്ടികയിലുള്ള പല്‍മിറ ഉള്‍പ്പെട്ട പ്രദേശംഐ.എസിന്റെ നിയന്ത്രണത്തിലായത്. ഇതില്‍ അവസാനത്തെ സംഭവമാണ് നാലു തൂണുകളിലായി നിര്‍മിക്കപ്പെട്ട ഈ തിയേറ്റര്‍. ഇതോടനുബന്ധിച്ച് നിര്‍മിച്ച പുത്തന്‍ മാതൃകയും തകര്‍ക്കപ്പെട്ടതായി സിറിയന്‍ പുരാവസ്തു മേധാവി വ്യക്തമാക്കി.
2015 മെയില്‍ പല്‍മിറ മേഖല ആദ്യമായി പിടിച്ചടക്കിയപ്പോഴും പൈതൃക ശേഷിപ്പുകള്‍ക്ക് നേരെ ഐ.എസ് വ്യാപക ആക്രമണംഅഴിച്ചുവിട്ടിരുന്നു. ഐ.എസിന്റേത് പുതിയ യുദ്ധകുറ്റമാണെന്ന് യു.എന്‍ സാംസ്‌കാരിക വിഭാഗം തലവന്‍ പ്രതികരിച്ചു.