കണ്ണൂര്‍:  കോഴിക്കോട്ടെ ഈ പിള്ളേരുടെ വിജയത്തിന് തിളക്കമേറെയാണ്. ജില്ലയില്‍ നാലാം സ്ഥാനത്തേക്ക് തള്ളിപ്പോയപ്പോള്‍ ലോകായുക്തയുടെ അപ്പീലുമായി കണ്ണൂരിലെത്തി ഈ പിളേളര്‍ നേടിയത് എ. ഗ്രേഡോടെ ഒന്നാം സ്ഥാനം.

ഹയര്‍ സെക്കന്‍ഡറി വിഭാഗം ഇംഗ്ലീഷ് സ്‌കിറ്റിലാണ് കോഴിക്കോട് ഹിമായത്തുല്‍ ഇസ്‌ലാം എച്ച്.എസ്.എസിലെ വിദ്യാര്‍ഥികള്‍ ഒന്നാമതെത്തിയത്. ഉന്നത വിദ്യാഭ്യാസത്തിനായി എന്‍ട്രന്‍സ് കോച്ചിങ് എന്ന കടമ്പ വിദ്യാര്‍ഥികള്‍ക്ക് മുന്‍പില്‍ വയ്ക്കുന്ന സമൂഹത്തിനു നേരെയുളള എതിര്‍പ്പാണ് ഇവര്‍ സ്‌കിറ്റിലൂടെ അവതരിപ്പിച്ചത്. ഇത്തരം കടമ്പകളിലൂടെ എത്ര പരാജയം ഏറ്റുവാങ്ങിയാലും മടുക്കാത്ത സമൂഹത്തിന്റെ മനസിനു നേരെയുള്ള ചൂണ്ടുവിരലാണ് സ്‌കിറ്റ്.