ലഖ്‌നോ: അഖിലേഷുമായുള്ള അനുനയനത്തിന്റെ സൂചനകള്‍ നല്‍കി മുലായം സിങ് യാദവ്. അഖിലേഷിന് തന്റെ എല്ലാ അനുഗ്രഹങ്ങളുമുണ്ടെന്നും അദ്ദേഹത്തിനു വേണ്ടി തെരഞ്ഞെടുപ്പ് പ്രചാരണത്തിനിറങ്ങുമെന്നും മുലായം വ്യക്തമാക്കി.
കഴിഞ്ഞ ദിവസം ഒരു ദേശീയ മാധ്യമത്തോടാണ് അദ്ദേഹം ഇക്കാര്യം വ്യക്തമാക്കിയത്. ഇപ്പോള്‍ എല്ലാ പ്രശ്‌നങ്ങളും പരിഹരിച്ചിരിക്കുകയാണ്. തെരഞ്ഞെടുപ്പ് പ്രചാരണത്തിന് താനുമുണ്ടാകുമെന്നും അദ്ദേഹം പറഞ്ഞു.
പാര്‍ട്ടിയിലെ ആഭ്യന്തര പ്രശ്‌നങ്ങള്‍ തെരഞ്ഞെടുപ്പിനെ ബാധിക്കില്ല. മുസ്‌ലിംകളടക്കമുള്ള ഭൂരിപക്ഷം വോട്ടുകളും എസ്.പി നേടും. മുസ്‌ലിംകളുടെ ഭീതി മാറ്റാനായതാണ് എസ്.പി സര്‍ക്കാരിന്റെ ഏറ്റവും വലിയ വിജയം. ഇത് മുസ്‌ലിംകള്‍ തന്നോട് പറഞ്ഞതാണെന്നും അദ്ദേഹം പറഞ്ഞു.