ചേര്‍ത്തല: സര്‍ഗം കലാസാഹിത്യവേദിയുടെ നേതൃത്വത്തില്‍ 29ന് വൈകിട്ട് മൂന്നിന് ചേര്‍ത്തല വുഡ്‌ലാന്റ്‌സ് ഓഡിറ്റോറിയത്തില്‍ സി.ഡി പ്രകാശനവും സാംസ്‌കാരിക സമ്മേളനവും നടക്കും.
ഗായിക പി.കെ മേദിനി സമ്മേളനം ഉദ്ഘാടനം ചെയ്യും. പ്രസിഡന്റ് സി.എന്‍.ബാബു അധ്യക്ഷത വഹിക്കും. ഓമന തിരുവിഴയുടെ തിരുവോണ തുമ്പികള്‍ എന്ന കവിതകള്‍ അടങ്ങിയ സി.ഡിയുടെ പ്രകാശനം കാഥികന്‍ മുതുകുളം സോമനാഥ് നിര്‍വഹിക്കും. തുടര്‍ന്ന് പ്രതിഭകളെ ആദരിക്കുകയും ഗസല്‍സന്ധ്യയും ഉണ്ടാകുമെന്ന് പ്രസിഡന്റ് സി.എന്‍.ബാബു, സെക്രട്ടറി ഓമന തിരുവിഴ, വിനയകുമാര്‍ തുറവൂര്‍ എന്നിവര്‍ പറഞ്ഞു.