കേളി കേന്ദ്ര സാംസ്‌കാരിക വിഭാഗം അംഗം കെ. ടി ബഷീര്‍ സെമിനാര്‍ ഉത്ഘാടനം ചെയ്യുന്നു.

ജിദ്ദ: കേളി കലാ സാംസ്‌കാരിക വേദി ബത്ത ഏരിയ കമ്മിറ്റിയുടെ ആഭിമുഖ്യത്തില്‍ ''പ്രവാസികള്‍ക്കിടയില്‍ പെരുകുന്ന ആത്മഹത്യ'' എന്ന വിഷയത്തില്‍ സെമിനാര്‍ സംഘടിപ്പിച്ചു.

ബത്ത ഏരിയ ജോ: സെക്രട്ടറി അബ്ദുള്‍ സമദ് മോഡറേറ്ററെ ക്ഷണിച്ചുകൊണ്ടാരംഭിച്ച സെമിനാര്‍ കേളി കേന്ദ്ര സാംസ്‌കാരിക വിഭാഗം അംഗം കെ ടി ബഷീര്‍ ഉദ്ഘാടനം ചെയ്തു.

കേളി സൈബര്‍ വിംഗ് ചെയര്‍മാന്‍ സിജിന്‍ കൂവള്ളുര്‍ മോഡറേറ്ററായി. കേന്ദ്ര സാംസ്‌കാരിക വിഭാഗം അംഗം ശശികുമാര്‍ വിഷയത്തെ ആസ്പദമാക്കി പ്രബന്ധം അവതരിപ്പിച്ചു.

ബത്ത ഏരിയ സെക്രട്ടറി സുധാകരന്‍ കല്ല്യാശ്ശേരി സ്വാഗതവും ഏരിയ പ്രസിഡന്റ് അലി താണിയന്‍ നന്ദിയും പറഞ്ഞു. രാമകൃഷ്ണന്‍ മര്‍ഗബ്, അനില്‍ ഷുമേഷി, രാജേന്ദ്രന്‍, അരുണ്‍, കേളി കുടുംബവേദി പ്രസിഡന്റ് സുരേഷ് ചന്ദ്രന്‍ എന്നിവര്‍ വിഷയവുമായി ബന്ധപ്പെട്ട ചര്‍ച്ചയില്‍ പങ്കെടുത്തു.

കേന്ദ്ര കമ്മിറ്റി അംഗങ്ങളായ സെന്‍ ആന്റണി, സുരേന്ദ്രന്‍, ശ്രീകാന്ത്, പ്രിയേഷ്, ഉമ്മര്‍കുട്ടി, കേന്ദ്ര സാംസ്‌കാരിക വിഭാഗം കണ്‍വീനര്‍ ടിആര്‍ സുബ്രഹ്മണ്യന്‍, മര്‍ഗ്ഗബ് രക്ഷാധികാരി കമ്മിറ്റി കണ്‍വീനര്‍ പ്രഭാകരന്‍, ബത്ത രക്ഷാധികാരി കമ്മിറ്റി കണ്‍വീനര്‍ ശിവദാസന്‍ എന്നിവരും സെമിനാറില്‍ സംസാരിച്ചു.