ചെന്നൈ: രജനികാന്തിന്റെ രാഷ്ട്രീയ പ്രവേശനം സ്വാഗതം ചെയ്ത് കമല്‍ ഹാസന്‍. സാമൂഹിക വിഷയങ്ങളില്‍ ആശങ്കപ്പെടുകയും രാഷ്ട്രീയത്തില്‍ ഇറങ്ങാന്‍ തീരുമാനിക്കുകയും ചെയ്ത മുതിര്‍ന്ന സഹോരന് എല്ലാവിധ ആശംസകളും നേരുകയാണെന്ന് കമല്‍ ട്വിറ്ററിലൂടെ പറഞ്ഞു. കമലിന്റെ ആശംസക്ക് രജനികാന്ത് നന്ദി അറിയിച്ചു.
അമിതാബച്ചനും രജനികാന്തിനെ അഭിനന്ദിച്ച് രംഗത്തെത്തി. രജനികാന്തിന് എല്ലാവിധ ഭാവുകങ്ങളും നേരുന്നുവെന്ന് അമിതാ ബച്ചന്‍ ട്വീറ്റ് ചെയ്തു. രാഷ്ട്രീയത്തിലേക്കുള്ള രജനികാന്തിന്റെ പ്രവേശനത്തെ സ്വാഗതം ചെയ്യുന്നുവെന്ന് തമിഴ്‌നാട് ബി.ജെ.പി അധ്യക്ഷ തമിഴിസൈ സൗെന്ദരരാജന്‍ പറഞ്ഞു. അഴിമതി രഹിത മികച്ച ഭരണം എന്നതാണ് ബി.ജെ.പിയുടെ ലക്ഷ്യം. സമാന ലക്ഷ്യവുമായി രംഗത്തിറങ്ങിയ രജനിയെ സ്വാഗതം ചെയ്യുന്നുവെന്ന് അവര്‍ പറഞ്ഞു.