മനാമ: ബഹ്‌റൈന്‍ കേരളീയ സമാജത്തിന്റെ 70ാം വാര്‍ഷികത്തോടനുബന്ധിച്ച് അവാര്‍ഡ് നൈറ്റ് സംഘടിപ്പിച്ചു. വിവിധ മേഖലകളില്‍ വ്യക്തിമുദ്ര പതിപ്പിച്ചവരെ ആദരിക്കുന്നതിന്റെ ഭാഗമായാണ് അവാര്‍ഡ് നൈറ്റ് സംഘടിപ്പിച്ചത്.

കഴിഞ്ഞ ദിവസം നടന്ന പരിപാടിയില്‍ പ്രതിപക്ഷ നേതാവ് രമേശ് ചെന്നിത്തല മുഖ്യാതിഥിയായിരുന്നു.
ഇറാം ഗ്രൂപ്പ് ചെയര്‍മാനും മാനേജിങ് ഡയറക്ടറുമായ ഡോ. സിദ്ദീഖ് അഹ്മദ് ഹാജിക്ക് പ്രവാസി ഔട്സ്റ്റാന്റിങ് ബിസിനസ് ഐക്കണ്‍ അവാര്‍ഡും ധന്യ ഗ്രൂപ്പ് ഓഫ് കമ്പനീസ് ചെയര്‍മാനും മാനേജിങ് ഡയറക്ടറുമായ ജോണ്‍ മത്തായിക്ക് പ്രവാസിരത്‌ന അവാര്‍ഡും ചെന്നിത്തല സമ്മാനിച്ചു.
ഇതോടനുബന്ധിച്ച് പ്രശസ്ത ഗായകരായ സയനോര, നിഖില്‍ രാജ്, ശ്രേയ ജയദീപ് എന്നിവര്‍ നയിച്ച സംഗീത നിശയും അരങ്ങേറി.