ദമസ്‌കസ്: സിറിയന്‍ തലസ്ഥാനമായ ദമസ്‌കസിന്റെ വിവിധ ഭാഗങ്ങളിലുണ്ടായ ഷെല്ലാക്രമണത്തില്‍ 19 നാട്ടുകാര്‍ കൊല്ലപ്പെട്ടു. സിറിയയിലെ വിവിധ സന്നദ്ധ സംഘടനകളാണ് ഇക്കാര്യം അറിയിച്ചത്.
ദമസ്‌കസില്‍ വിമതനിയന്ത്രണത്തിലുള്ള കിഴക്കന്‍ ഗൗഥ പ്രാന്തപ്രദേശങ്ങളിലാണ് സര്‍ക്കാര്‍ സൈന്യത്തിന്റെ ആക്രമണമുണ്ടായത്. കൊല്ലപ്പെട്ടവരില്‍ ആറു കുട്ടികളും ഉള്‍പ്പെടുമെന്ന് സിറിയന്‍ സിവില്‍ ഡിഫന്‍സ്, വൈറ്റ് ഹെല്‍മെറ്റ്‌സ് തുടങ്ങിയ സന്നദ്ധ സംഘടനകള്‍ അറിയിച്ചു. ഉപരോധത്തെ തുടര്‍ന്ന് കടുത്ത ആരോഗ്യ പ്രശ്‌നങ്ങള്‍ നേരിടുന്ന മേഖലയില്‍ റെഡ് ക്രോസ്, റെഡ് ക്രസന്റ് അടക്കമുള്ള അന്താരാഷ്ട്ര സന്നദ്ധ സംഘടനകളുടെ നേതൃത്വത്തില്‍ സേവന പ്രവര്‍ത്തനങ്ങള്‍ തുടരുന്നതിനിടെയാണ് ആക്രമണം നടന്നത്.