ന്യൂഡല്‍ഹി: ഉത്തര്‍പ്രദേശ് തെരഞ്ഞെടുപ്പിലെ കോണ്‍ഗ്രസ്- സമാജ്‌വാദി പാര്‍ട്ടി മുന്നണിയിലെ പ്രശ്‌നങ്ങള്‍ അവസാനിക്കുന്നു. സഖ്യതീരുമാനം സംബന്ധിച്ചുള്ള തര്‍ക്കത്തില്‍ കോണ്‍ഗ്രസ് അധ്യക്ഷ സോണിയ ഗാന്ധി ഇടപെട്ടതോടെയാണ് പ്രശ്‌നങ്ങള്‍ അവസാനിപ്പിക്കാന്‍ ധാരണയാവുന്നത്.

ഇതോടെ തെരഞ്ഞെടുപ്പില്‍ എസ്.പി കോണ്‍ഗ്രസ് സഖ്യത്തിന് ധാരണയായി. 105 സീറ്റ് കിട്ടിയാല്‍ സഖ്യത്തിന് തയാറാണെന്നാണ് കോണ്‍ഗ്രസ് അംഗീകരിച്ചത്. എസ്.പിയുമായുള്ള സഖ്യ ചര്‍ച്ചയ്ക്കായി അഹമ്മദ് പട്ടേലിനെയും സോണിയ ഗാന്ധി നിയോഗിച്ചിട്ടുണ്ട്.

ഉത്തര്‍പ്രദേശ് നിയമസഭ തെരഞ്ഞെടുപ്പില്‍ എസ്.പി-കോണ്‍ഗ്രസ് സഖ്യത്തിന് നേരത്തെ ധാരണയായിരുന്നു. എന്നാല്‍ സീറ്റ് വിഭജനത്തിന്റെ കാര്യത്തില്‍ തര്‍ക്കം നിലനില്‍ക്കുകയും സഖ്യചര്‍ച്ചകള്‍ അനിശ്ചിതത്വത്തിലാവുകയും ചെയ്തിരുന്നു.